dende, soo dat te vreesen staet, d'eerste vremdelinghen dieder komen, syse alle slachten sullen.
Den eersten December voeren die van de Swarten Leeuw en de Provintie met hare Schuyten, elck met ontrent 24 man naer een Baye, ontrent een mijle zuydewaert van de Reede, alwaer stracks tenten opsloegen, eń huysen voor 't volck deden maken, hebbende Victualie van Rijs, Sout ende dranck mede, de reste van den kost moeten sy in 't bosch soecken, die'er abondant ghenoeg was, deden stracr alle gereetschap maken tot de Vischerpe dienstigh, die sy daer drooghden, vangende alle dage soo vele als droogen konden, ende dat met de treckzegen, vonghen daer oock 4 Vischen door haer Zeekoeyen genaemt, om dat haren muyl den koeyenmuyl by kans ghelijck is, woeghen naer gissinghe ontrent 5 a 600 tc yeder, hoewel van buyten visch ghelijckt, soo en kan men 't ghezoden zijnde uyt geen Kalfvleesch onderscheyden, waren heel vet, hadden wel 1˝ vinger breet specks, seer soet van smaeck, houden haer op de drooghten, ende eten de groente die onder water op den grondt wast, zy schoten haer met Harpoenen in 't lijf, daer een dun touw aen was, aen de schuyt vast, latende haer daer mede wech swemmen, so lange dat zy moede waren; alle den tijt dat hier lagen, zijnde ontrent 23 dagen, aten anders niet dan Schiltpadden, Dodaersen, Duyven, Tortelduyven, grauwe Pappegayen, ende dierghelijcke, die alle daghe in 't bosch met de handt gingen grijpen, dat een ghenoeghte om sien was, principalijck de grauwe Pappegayen, van dewelcke een ghevanghen hebbende, doende dat krijten, daer stracr met honderden om haer ooren quamen vliegen, die met kleyne stockens ter neder wierpen, de Duyven, ende Tortelduyven liepen soo tam langs het bosch, datmense lichtelijck vangen konden: in dese Baye, is een Riviere van soet water, daer haer